Ola bilər ki, ali məktəbə qəbul olan I kurs tələbələri sentyabrın 15-də dərsə başlaya bilməsin

️Məleykə Abbaszadə: “Ola bilər ki, ali məktəbə qəbul olan I kurs tələbələri sentyabrın 15-də dərsə başlaya bilməsin”

Kafkazh.com APA-ya nəzərən məlumat verirki, bunu onlayn mətbuat konfransında Dövlət İmtahan Mərkəzinin Direktorlar Şurasının sədri Məleykə Abbaszadə bildirib. Onun sözlərinə görə, buraxılış imtahanları bitən kimi nəticələr elan olunacaq: “Artıq 9-cu sinfi bitirib orta ixtisas təhsili müəssisələrinə qəbul olmaq istəyənlər üçün ixtisas seçimi üçün də kifayət qədər vaxt var. Mərhələ-mərhələ bu proses gedəcək. Yalnız bir kontingent qalır, o da ali məktəblərin 1-ci kurs tələbələridir. Ola da bilsin hansısa səbəblərə görə ali məktəblərə qəbul olan birinci kurs tələbələri sentyabrın 15-də dərsə başlaya bilməsin. Bunu indidən deyə bilmərəm. Biz çalışacağıq ki, cədvələ uyğun olaraq sentyabrın 15-nə qədər bütün proseslər bitsin. Yəqin ki, birinci mərhələ bitər, amma boş qalmış yerlərə yerləşdirmə bir az vaxt tələb edə bilər”.

QAYNAQ: Apa.az
XƏBƏRÇİ: Kafkazh.com saytının xüsusi müxbiri Şəbnəm İbrahimli