İki söz arasında

” İKİ SÖZ ARASINDA ”

Bir gün bəlkə oyandın, yuxudan tərs tərəfdən
qarışdırdın günləri.
Tələsdirdin təqvimi, məndən qaçmağa görə
yarışdırdın günləri.

Məni görmədin axı qəlbinin küçəsində
ovuc açdığım zaman.
Başqaları su ilə, mənsə göz yaşlarımla
oruc açdığım zaman.

Sən tərəfin küləyi qurutmur söz yaşını ,
yağışı qəhər dadır.
Nə qəddar qadınmışsan; dilində qırmanc bitib,
baxışın zəhər dadır.

Necə bir yuxu idin; görmüşdüm kabus kimi,
xeyrimə yozdum səni.?
Tanrı insan yaratdı, şeytan kimi sevirdim,
mələktək yazdım səni.

Hər dəfə tək başıma, ölmüş ümidlərimi
dəfn etdim kül qabıma.
İki söz arasında qurutduğun sevgimi
apar qoy gül qabına.

YAZAR: İftixar Ceyhun

Həmçinin bax: DUXA TÜRKLƏRİ KİMLƏRDİR ?