“Əsrimizin Siyavuşu” adlı yazı müsabiqəsi keçiriləcək

“Kafkazh Media Group” Media və Yayım şirkəti Məhəmməd Əmin Rəsulzadənin anadan olmasının 138-ci ildönümünə həsr olunan “Əsrimizin Siyavuşu” adlı yazı müsabiqəsi elan edir.

Müsabiqəyə bu mövzularda yazılar qəbul ediləcəkdir:

1) Məhəmməd Əmin Rəsulzadənin həyat və yaradıcılığı;

2) Məhəmməd Əmin Rəsulzadənin siyasi fəaliyyəti;

3) Məhəmməd Əmin Rəsulzadə və Azərbaycan Cümhuriyyəti;

4) Məhəmməd Əmin Rəsulzadə və mətbuat;

5) Cümhuriyyətçilərimiz.

Təqdim edilən yazılar Times New Roman şrift ölçüsü 14 ilə, 1.0 intervalda, 1-5 Microsoft Word (A4) səhifəsi həcmində olmalıdır. Bununla yanaşı, müsabiqəyə qatılan müəlliflərin özləri haqqında qısa məlumat (ad, soyad, universitet, məktəb, kollec və s), e-ünvan və əlaqə nömrələrini qeyd etmələri xahiş olunur.

Müsabiqəyə yazılar 12 fevral-02 mart tarixləri arasında qəbul olunacaq.

Qalibləri müxtəlif hədiyyələr gözləyir. Müsabiqədə yer tutan ilk 5 yazı Türkiyə və Özbəkistan saytlarında dərc olunacaq. Qaliblər sertifikat və hədiyyələrlə təltif olunacaq.

Yazılarınızı göndərməzdən əvvəl müraciət linkindən qeydiyyatdan keçməyiniz xahiş olunur.

Son müraciət tarixi: 2 mart

Mükafatlandırma mərasimi 13 mart tarixində baş tutacaq. Müəlliflərə tədbir haqqında əvvəlcədən məlumat veriləcək. Mükafatlandırma mərasimi canlı şəkildə baş tutacaq.