Çinin daha bir şirkəti ABŞ-ın “qara siyahı”sına düşdü

ABŞ Çin Xalq Respublikasında fəaliyyət göstərən Sincan İstehsal və İnşaat şirkətinə, həmçinin onun rəhbərliyində olan iki şəxsə qarşı sanksiya tətbiq edib.

“Report” “TASS”a istinadən xəbər verir ki, onların adı “qara siyahı”ya insan hüquqlarının pozulmasına görə məhdudiyyətlərin qoyulmasını nəzərdə tutan “Maqnitski Aktı” çərçivəsində salınıb.

Qeyd olunub ki, xarici ölkə vətəndaşları olan fiziki və hüquqi şəxslər sentyabrın 30-dək Çin şirkəti ilə bütün əməliyyatları başa çatdırmalı və hər cür əməkdaşlığı məhdudlaşdırmalıdır.

Mənbə: yeni müsavat
Müxbir:Kafkazh.com xüsusi müxbiri Jalə Hüseynova