Bilindiyi kimi, Kür çayında suyun azalması və Xəzər dənizinin suyunun çaya qarışması çaydakı suyun keyfiyyətinə təsir edib və onu içməyə yararsız vəziyyətə gətirib.

Bilindiyi kimi, Kür çayında suyun azalması və Xəzər dənizinin suyunun çaya qarışması çaydakı suyun keyfiyyətinə təsir edib və onu içməyə yararsız vəziyyətə gətirib. “Qafqazinfo” xəbər verir ki, rayon mərkəzi də daxil olmaqla kənd və qəsəbələrdə əhalinin içməli su ilə təminatı çətinləşib.

Ölkə başçısı İlham Əliyevin göstərişinə əsasən, yeni magistral su xəttinin tikintisinə başlanılıb və cari ilin sonuna qədər başa çatdırılacağı gözlənilir. Hal-hazırda isə, rayonun içməli suya olan tələbatı maşınlarla daşının su hesabına təmin olunur.
Bununla bağlı, ölkənin aparıcı banklarından biri olan Bank Respublika yeni təşəbbüsə imza atıb.

Belə ki, Bank, Salyan şəhərindən Neftçalaya su maşınları vasitəsilə gündəlik içməli suyun daşınmasına start verib. Su maşınları hər gün Neftçala şəhəri daxil olmaqla, rayonun kənd və qəsəbələrinə hərəkət edərək, sakinlərə içməli su təminatı istiqamətində dəstək olacaq.

Neftçala Rayon İcra Hakimiyyəti başçısının yanında Operativ Qərargahın dəstəyi keçirilən aksiya mütəmadi olaraq davam etdiriləcək
Menbe:Qafqaz.info
Müxbir:kafkazh.com xüsusi  müxbir Heydərli Şəbnəm