ABŞ razılaşmaya əsasən Polşaya təxminən 1000 hərbi qulluqçu göndərəcək

Genişləndirilmiş Müdafiə Əməkdaşlıq Sazişi çərçivəsində iki ölkə arasında aparılan uğurlu danışıqlardan sonra ABŞ-ın Polşadakı qoşunlarının sayı təxminən 1000 nəfər artırlacaq.

Ordu.az xəbər verir ki, razılaşma əsasında eyni zamanda Polşadakı zirehli briqada döyüş komandası və döyüş aviasiya briqadasını dəstəkləyə biləcək hərbi bazalara infrastruktur əlavə ediləcək.

Polşada artıq ABŞ ordusunun 4500 hərbi qulluqçusu xidmət edir.

Xatırladaq ki, Almaniyadakı ABŞ qoşunlarının sayı təxminən 36.000-dən 24.000-ə endirilir. Qoşunların bir hissəsi ABŞ-a qayıdacaq, qalanı Belçikaya köçürüləcək.

Mənbə: ordu.az

Xəbərçi: Aytac Cəfərova